சேலம் கொம்பேறிக்காடு ஸ்ரீ மஹா வராகி அம்மன் ஆலயத்தில் கார்த்திகை மாத வளர்பிறை பஞ்சமி முன்னிட்டு மிக விமர்சையாக சிறப்பு அலங்காரமும் பூஜையும் நடைபெற்றது. ஆலயத்தில் காட்சியளிக்கும் ஸ்ரீ விநாயகர், கோமாதா உடனுறை சிவன்–பார்வதி, விஷ்ணு, துர்க்கை அம்மன், சாய்பாபா, ஸ்ரீ சந்தோஷமாதா, முருகர் மற்றும் ஸ்ரீ மஹா வராகி அம்மன் ஆகிய தெய்வங்களுக்கு தங்க–முத்து அலங்காரம், மலர் அலங்காரம் செய்யப்பட்டு அபிஷேக ஆராதனைகள் செய்யப்பட்டது.
நாடெங்கும் இருந்து வந்த ஆயிரக்கணக்கான பக்தர்கள் திரளாக வந்திருந்தனர். பக்தர்கள் நெய் விளக்கேற்றி, தேங்காய், பூசணிக்காய் போன்றவற்றால் நெறியிழுத்து பிரார்த்தனை செய்தனர். கார்த்திகை பஞ்சமியின் சிறப்பு காரணமாக, அதிகாலை முதல் இரவு வரை பக்தர்கள் நீண்ட வரிசையில் தரிசனம் செய்தனர்.
பக்தர்களுக்காக 4000 பேருக்கு மேற்பட்டவர்களுக்கு அன்னதானம் வழங்கப்பட்டது. சைவ சமய மரபுகளின்படி உணவு, பானகம், பிரசாதங்கள் வழங்கப்பட்டு பக்தர்கள் திருப்தி அடைந்தனர்.
இந்த முழு நிகழ்ச்சிக்கும் தேவையான ஏற்பாடுகளை ஆலய நிர்வாகிகள் என். தண்டபாணி சுவாமிகள் மற்றும் மணிகண்டன் சுவாமிகள் சிறப்பாக திட்டமிட்டு மேற்கொண்டனர். தண்மையும் ஒழுங்கும் நிறைந்த வழிபாட்டு நிகழ்ச்சியாக இவ்வாண்டு கார்த்திகை பஞ்சமி கொண்டாட்டம் அமைந்தது.
கருத்துகள் இல்லை:
கருத்துரையிடுக