தஞ்சாவூர் தமிழ்ப் பல்கலைக்கழகத்தில், தமிழ்வளர்ச்சித் துறையில் நேரடி நியமன உதவி இயக்குநர் பதவிக்கு தேர்வு செய்யப்பட்ட பணியாளர்களுக்காக இரண்டு நாட்கள் நுண்பயிற்சி முகாம் நடைபெற்றது.
தமிழ்நாடு அரசுப் பணியாளர் தேர்வாணையம் (TNPSC) மூலம் தேர்வு செய்யப்பட்ட 13 நபர்கள் இந்தப் பயிற்சியில் பங்கேற்றனர். இப்பயிற்சியை தமிழ்ப் பல்கலைக்கழகத்தின் சார்பாக தமிழ்வளர்ச்சித் துறையில் பணியாற்றுவதற்கான வழிகாட்டுதலாக ஏற்பாடு செய்திருந்தனர்.
இந்நிகழ்ச்சியை பல்கலைக்கழகத்தின் துணைவேந்தர் குழு உறுப்பினர் டாக்டர் பெ. பாரதஜோதி துவக்கி வைத்து, தமிழின் வளர்ச்சிக்காக ஒவ்வொருவரும் தங்களை அர்ப்பணிக்க வேண்டியது அவசியம் என வலியுறுத்தினார்.
பதிவாளர் (பொ.) கோ. பன்னீர்செல்வம் நிர்வாக செயல்பாடுகள் குறித்து ஆலோசனை வழங்கினார்.
பயிற்சியாளர்களுக்கு பல துறைகளின் நிபுணர்கள் வழிகாட்டினர். அவர்களில் தணிக்கைத் துறையின் ஓய்வு பெற்ற இணை இயக்குநர் சி. பாலன், இசைத்துறை இணைப்பேராசிரியர் மு. செ. கற்பகம், கல்வெட்டியல் மற்றும் தொல்லியல்துறை இணைப்பேராசிரியர் மு. ஆ. துளசேந்திரன், நாட்டுப்புறவியல் துறைத் தலைவர் மு. இரா. காமராசு, அயல்நாட்டுத் தமிழ்க்கல்வித் துறை இணைப்பேராசிரியர் மு. தெ. வெற்றிச்செல்வன், மொழிபெயர்ப்புத் துறைத் தலைவர் மற்றும் ஒருங்கிணைப்பாளர் மு. இரா. சு. முருகன், நூலக இயக்குநர் மு. சி. வேல்முருகன், ஓலைச்சுவடித் துறைத் தலைவர் மு. த. கலாஸ்ரீதர் ஆகியோர் அடங்குவர்.
நிகழ்ச்சியை தமிழ்வளர்ச்சித் துறை இணை இயக்குநர் திருமதி சபீர்பானு ஒருங்கிணைத்து சிறப்பாக நடத்தினார்.
கருத்துகள் இல்லை:
கருத்துரையிடுக