மயிலாடுதுறை காவிரி துலாக்கட்டத்தில் நடைபெறும் புகழ்பெற்ற துலா உற்சவத்தை முன்னிட்டு, மாயூரநாதர் ஆலயத்தில் இன்று (நவம்பர் 8) திருக்கொடியேற்றம் சிறப்பாக நடைபெற்றது. இதன் மூலம் பத்து நாள் உற்சவம் தொடங்கியது.
திருக்கொடியேற்ற விழாவில் அபயாம்பிகை சமேத மாயூரநாதர் உள்ளிட்ட பஞ்சமூர்த்திகள் எழுந்தருளி சிறப்பு பூஜைகள், அபிஷேக ஆராதனைகள் நடைபெற்றன. வேத மந்திரங்கள் முழங்க கொடி ஏற்றப்பட்டு, மகாதீபாராதனை நடைபெற்றது.
பத்து நாள் உற்சவத்தின் போது, மாயூரநாதர், வதான்யேஸ்வரர் ஆலயங்களில் இருந்து பஞ்சமூர்த்திகள் தினமும் காவிரிக் கரைக்கு எழுந்தருளி தீர்த்தவாரி நடைபெறும். முக்கிய நிகழ்வுகளில் 11-ம் தேதி மயிலம்மன் பூஜை, 13-ம் தேதி திருக்கல்யாணம், 15-ம் தேதி தேரோட்டம் மற்றும் 16-ம் தேதி கடைமுக தீர்த்தவாரி நடைபெற உள்ளது.
பல்லாயிரக்கணக்கான பக்தர்கள் கலந்துகொண்டு சுவாமி தரிசனம் செய்தனர். துலா உற்சவம் மயிலாடுதுறையின் ஆன்மீக மகிமையைக் கொண்டாடும் பாரம்பரிய திருவிழாவாக விளங்குகிறது.
கருத்துகள் இல்லை:
கருத்துரையிடுக