திருப்பதி ஏழுமலையான் கோவிலில் இந்த ஆண்டு வைகுண்ட ஏகாதசி விழா டிசம்பர் 30ஆம் தேதி நடைபெறுகிறது. ஆண்டுதோறும் மிகுந்த பக்தி உற்சாகத்துடன் கொண்டாடப்படும் இந்த விழாவை முன்னிட்டு, கோவிலின் மிக முக்கியமான ‘சொர்க்கவாசல்’ பக்தர்களுக்கு திறக்கப்பட உள்ளது. சொர்க்கவாசல் வழியாக இறைவனை தரிசிப்பது மிகப்பெரும் புனித வாய்ப்பாக கருதப்படுவதால், இவ்வாண்டும் கோடிக்கணக்கான பக்தர்கள் வருகை தருவார்கள் என எதிர்பார்க்கப்படுகிறது.
ஆன்லைன் தரிசன டோக்கன் பதிவு திறக்கப்பட்ட சில மணி நேரங்களில் அதிரடியான பக்தர்கள் பதிவு செய்துள்ளனர். ஒரே ஒரு நாளில் 4.60 லட்சம் பேர் வைகுண்ட ஏகாதசி தரிசனத்திற்காக முன்பதிவு செய்துள்ளதாக திருப்பதி தேவஸ்தானம் தெரிவித்துள்ளது. இது கடந்த ஆண்டுகளிலேயே மிக உயர்ந்த பதிவு எண்ணிக்கையாகும்.
விழா நாளில் பக்தர்கள் பெருமளவில் திரண்டுவருவதால், கூட்ட நெரிசலை தவிர்க்க பாதுகாப்பு ஏற்பாடுகள், கூடுதல் போக்குவரத்து வசதிகள் மற்றும் குடிநீர்–மருத்துவ சேவைகள் உள்ளிட்ட பல்வேறு ஏற்பாடுகள் தீவிரமாக செய்யப்படுகின்றன.
திருப்பதியை நோக்கி நாடு முழுவதும் இருந்து பக்தர்கள் வருகை தர உள்ளதால், நகரம் முழுவதும் விசேஷ போக்குவரத்து திட்டங்களும் அமல்படுத்தப்படுகின்றன.
கருத்துகள் இல்லை:
கருத்துரையிடுக