மயிலாடுதுறை மாவட்டம் பட்டமங்கலம் நகராட்சி தொடக்கப்பள்ளியில், 0 முதல் 18 வயது வரையிலான மாற்றுத்திறனாளிக் குழந்தைகளுக்கான தேசிய அடையாள அட்டை வழங்கும் மருத்துவ முகாம் நடைபெற்றது.
இம்முகாமை மாவட்ட ஆட்சியர் ஸ்ரீகாந்த் குத்துவிளக்கேற்றி துவக்கி வைத்தார்.
நிகழ்வில் வட்டார வளமைய மேற்பார்வையாளர் முருகையன், மாவட்ட முதன்மை கல்வி அலுவலர் கார்த்திகேயன், மாவட்ட உதவி திட்ட அலுவலர் திருஞானசம்பந்தம், தொடக்க கல்வி அலுவலர் குமரவேல், வட்டார கல்வி அலுவலர் பாபு, ஆசிரியர் பயிற்றுநர் உமா, மாவட்ட மாற்றுத்திறனாளிகள் நல அலுவலர் சித்ரா உள்ளிட்டோர் கலந்து கொண்டனர்.
மேலும், வட்டார வளமைய ஆசிரியப் பயிற்றுநர்கள், மாவட்ட ஒருங்கிணைப்பாளர்கள், எஸ்.ஆர்.பி மைய ஆசிரியர்கள், உடன் பணிபுரியும் மருத்துவர்கள் ஆகியோர் முகாமில் பங்கேற்று குழந்தைகளுக்கு மருத்துவ பரிசோதனை செய்தனர்.
மாணவர்களுக்கு மனநல ஆலோசனை வழங்கிய மனநல மருத்துவர், கண் மருத்துவர்கள், காது-மூக்கு-தொண்டை நிபுணர்கள் ஆகியோர் மருத்துவ சேவைகளை அளித்தனர்.
பெரும்பாலான மாணவர்கள் மற்றும் பெற்றோர்கள் இம்முகாமில் பங்கேற்று மருத்துவ ஆலோசனையையும் அடையாள அட்டை பெறுவதற்கான வழிகாட்டுதலையும் பெற்றனர்.
இம்முகாம், மாற்றுத்திறனாளிக் குழந்தைகளின் நலனுக்காக அரசு மேற்கொண்ட சிறப்பான சமூக நல முயற்சியாக அமைந்தது.
கருத்துகள் இல்லை:
கருத்துரையிடுக